النتائج 1 إلى 10 من 10
ديوان الشاعر/ سلطان بن وسام الهاجري
  1. #1
    فراج بن عون غير متواجد حالياً مشرف سابق الصورة الرمزية فراج بن عون
    تاريخ التسجيل
    الدولة
    ~¤§¦ رحآل ¦§¤~
    المشاركات
    1,094

    Arrow ديوان الشاعر/ سلطان بن وسام الهاجري

    بسم الله الرحمن الرحيم

    السلام عليكم ورحمة الله وبركاته

    أسـ ع ـد الله جميع أوقاتكم بكل خير

    تواصلاً مع دواويـــــن الشعراء اللتي كنت بدأتها من قبل :
    ديوان شاعر سمان الهرج
    ديوان الشاعر / عبدالله بن نايف بن عون العتيبي
    ديوان الشاعر / مقبل ابن حربان


    أقـــدم لكم ديــوان الشاعر الكبير / سلطان بن وســــام الهاجـري

    وهو شاعر كبير ومعروف وله وجودهـ في ميدان المحاورة وفي شعر النظم ايضاً
    شاعر مبدع في جميع مجالات واغراض الشعر
    بإختصآر...سطان شاعر لا يحتاج إلى مقدمــــآت
    جمعت لـه بعضاً من قصائـدهـ في هذا الديوان المتواضـع

    ،، أتـمـنـى أن أقـــدم ما يـنـال على إعـجـابـكـم ،،



    سلطان الهاجري - شاعر الوزن الثقيل



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    الليالـي مشاكلهـا عـراض طوالـي=للنفوس الشقيه والنفـوس السعيـده

    غاره من يمين وغاره مـن شمالـي=توهمك بالهدوء وعاصفتهـا شديـده

    ياوجودي علي الراحه وياوجد حالـي=ليت مالـي مـع الشعـار ولانشيـده

    هب ياهالزمان اللي غزانـي لحالـي=كل يوم علي الهاتف يجيني قصيـده

    ذي معاتب حبيب وذي مشاريه غالي=وذي تحفض من السكر وهاذي تزيده

    والعرب علمهم بي يوم صدري شمالي=والليالي مقفت بـه لايمكـن تعيـده

    روحت مع مهـب الريـح ياهملالـي=ماحد جت له الدنيـا علـي مايريـده

    والتجارب عطتنـا ميـزه الاحتمالـي=ودرستنا مشاويـر الحيـاه البعيـده

    ان مابـه حيـاه الا وراهـا زوالـي=والبنـادم بهالدنيـا شبوحـه بعيـده

    مير ماهيب لامكسـب ولاراس مالـي=كود من حط قوله والنعم في رصيـده

    وطاب عند البعيد وطاب عند الموالي=وله نصيب الاسد من الخصال الحميده

    وان تثنت عزوم مشوربين العيالـي=عزمه اقوي من ظروف الحياه العنيده

    يرتكي بالمناكـب للحمـول الثقالـي=والطفر في راسه المطنوخ والا وريده

    خل فعل الجدود وخل فعـل الخوالـي=ندري انك ولدهـم والعلاقـه وطيـده

    وندري ان فعلهم يستر بنات الحلالي=حتي لو جدك اكحيلان وانته حفيـده

    اما حث القدم واطلع علي راس عالي=والا خلك كذا وان مت ما انت بفقيده [/poem]





    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    لاجل الغلا نطوي البيدا ونقطعهـا=مشاعر الحـب لاعنـت تعنيينـي

    لاقلت لبيه من ثغرك وانا اسمعهـا=نسيت بعد المسافه بينـك وبينـي

    ياعشقه الروح ياخيـره مطامعهـا=شوفتك عن باقي الدنيـا تكفينـي

    محبتك من ثلاث سنيـن زارعهـا=في شهرسبعه سنة خمسه وتسعيني

    وداعه منك وانت اللـي مودعهـا=تجري مع دم قلبي فـي شرايينـي

    وانته وداعتك روحـي لاتضيعهـا=ضياع ياسر عرفـات لفلسطينـي

    تولعـت والله اللـي فيـك ولعهـا=والقلب عاشقك قبل تشوفك العيني

    النفس تامر وانا مانـي بطايعهـا=الله عن النقد والمنقـود يحمينـي

    لو ان كبدي هجير الشوق لايعهـا=امر عطشـان والشيمـه تعدينـي

    ام الدلع فـي ذرى شيـخ مدلعهـا=زيزوم قوم علي الشدات قاسينـي

    شيخ ليا كبـرت القالـه يسنعهـا=ماهي بشيخة ختـم والا ملايينـي [/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    عشقت غيدا سمحتني عـن الغيـد=أقـول والا بـس مانيـب قـايـل

    ميت ضما والعد صعـب المواريـد=وبذلت من شانه جميـع الوسايـل

    والشربه اللي من حياض الأجاويـد=تقطع ضما هدف الضلوع النحايـل

    يانووووف جيتك من ورا نازح البيد=بالـراس مايحتـاج رد الرسـايـل

    وأن كان ماضمدتي الجرح تضميـد=تحملـي شرهـة عيـال الحمايـل

    أنا دخيل الصـدر والثغـر والجيـد=أرخي علي شـلال شقـر الجدايـل

    هذي تكفينـي مـن العيـد للعيـد=وأنا علي يانـوووف رد الجمايـل

    أحظنك بأشواقي مـن الإيـد للإيـد=وشعرك على هاك المبيسـم تمايـل

    ياقـوم يامبسـم نجـاح المساعيـد=أنتي مثل تضـرب عليـه المثايـل

    حبي وحبك حب عليـا وأبـو زيـد=والا مثـل حـب الطنايـا لحـايـل [/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    انا يازماني في فـوادي ثـلاث اطعـون=ولاهي بطعنه من سيـوف اوسكاكينـي

    من افتح ياسمسم والايافلم ابو كرتـون=امورن تغث اكبـود حتـى الوراعينـي

    وجمهوري الغالي يسوق الشره ويمـون=ونا قد شرهات العتـب مـن محبينـي

    يقولون ماشاركت وقول انـت توحـون=ابي كل واحـد يفتـح اذنـه ويوحينـي

    لابالله ماشاركـت فـي شاعرالمليـون=لواني على المليـون تومـي شرايينـي

    ولكـن انامانـي بخبـل ولامجـنـون=اجـي وقطـع ارزاق العبادالمساكينـي

    الاياحمـام الـورق يااللـي تجرلحـون=تغانم زمانـك بيـن خضـر البساتينـي

    تراهالا ركبة كل جمـره علـى غليـون=وراد الله انه يصفل الما عـن الطينـي

    مثل ماوطى هامان والاوطـى فرعـون=ثياب الشـرف ماتستـر الاالشريفينـي

    حشرنا الضبا بقرون ولا بدون اقـرون=وراس الظبي يقرب من النـار ويلينـي

    والاجواد مدت للمواهب اكفوف العـون=وهذي صفات من صفـات الكريمينـي

    والاقزام تهدم واهـل المعرفـه يبنـون=صروح من الامجاد ماهي مـن الطينـي

    بنتها الكفوف اللي كرمها سحاب مزون=رموز العداله نصـرة الحـق والدينـي

    غضبهم وانا سلطان يهتز منـه الكـون=وكرمهم تربـع فيـه حتـى البعارينـي

    اصالـه عربيـه وتاريخهـا مصيـون=عناوينهـا تفـوق كــل العناويـنـي

    جبال قممها فوق والها حجـر وركـون=قممهـا تشرفنـي ذراهــا يذريـنـي

    عسى الله يهونها على الناس لين اتهون=تزين القرايـه فـوق روس المجانينـي

    ضعاف العقول اللي تهبد علـى مالـون=علـى كـل ملـواح تهـز الجناحينـي

    ماتنضف يديهم لو تغسل من الصابـون=كثـر ماتمـد يدينهـا فـي المواعينـي

    يدين عساهـا كـرم الله مـن يوحـون=والا تدري هذي حطها بيـن قوسينـي

    قبل لاتخيب ظنون والا تصيـب ظنـون=وذي عين تبكيلي وذي عيـن تبكينـي

    عزفنا وترى ماله علاقه بنجـدي فـون=نحـاول نعـدل مايـلات الموازيـنـي

    رساله وباقي سرها في الثـرى مدفـون=سواة الامانـه فـي وجيـه الميامينـي

    ابداع القصيد ابداع والاحتـراف فنـون=والابداع فـي كـل المجـالات يعنينـي

    وشعر الحداثـه لامقفـى ولا مـوزون=بـلا مذهـب بيـن ولا لـه قوانينـي

    وعندي النهايه لعنة الله على شـارون=عسى الله من اسرائيل ينصف فلسطيـن [/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    قالو شراله خمس ميـه وستيـن=مسكين قلت اللي على البال كافـي

    مدامني فنظـار الأقـزام مسكيـن=هذا دليـل إنـي عزيـز و وافـي

    نعم شريت البنزالأخضر بتسعيـن=سمتـه وتليتـه بتسعيـن صافـي

    أبيـه لاقفـى مـن الليـل ثلثيـن=وأقفت مدافيـح النجـوم المقافـي

    أنخاه والدمعه تحت محجر العيـن=نخوة دريكن ناخيـن لـه سنافـي

    غيرت له زيتـه وعبيـت بنزيـن=وأستنشق البنزين عقب الوقافـي

    كنه يصعط من صعـوط المجانيـن=يرسي ليا جا فالطريـق أنعطافـي

    وأقفا كما فرخن كفـخ بالجناحيـن=نور الحسا قدمي وسلوى خلافـي

    منصاه فـي نجدالعذيـه سلاطيـن=أهل موقفن يوم الحرايب يشافـي

    الآاد روق مرجحيـن المـوازيـن=شطرن ركب من قاف غيري وقافي

    أقولهـا هالحيـن وأول وهالحيـن=غصبن على أهل النفوس الضعافي [/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    أنا ولدهاجر وخصمي ولـد روق=حصن تصاقع والضمايـر نظيفـه

    لاحلق الجمهور طوق ورا طـوق=مثل الضوامي فوق وادي حنيفـه

    ولاأنت لاعاشق ولاأنته بمعشوق=ولالك مع أصحاب الوظايف وظيفه

    وأنا كتبت الشعرطاروق طـاروق=وأحيان أوفق فيه وأحيان أعيفـه

    ولاعاد له معنى ولاعاد لـه ذوق=تقاسموه أهل النفـوس الضعيفـه

    طاروق عانيه وطاروق مسـروق=وأقرب قنـاة فاشلـه تستضيفـه [/poem]

    ..a..

    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    الصراحه مزعجه وأنا صريح=تزعلـك ماتزعلـك باقولهـا

    شاعر موهوب ولساني فصيح=وسابح عرض البحور وطولها

    والافاعي سمها ينـذح نذيـح=والعقارب سمها فـي ذيولهـا

    ماعلى الدنيا ضمير مستريـح=كل خلـق الله تهـن خيولهـا

    ذا يحن وذا يون وذا يصيـح=وذا يخطف راسها ورجولهـا

    والشعر هذاقبيـح وذا مليـح=وكلبوهـا ساريـن مفعولهـا

    أجلدالقبيح في وجـه القبيـح=وقول وش رايك وقول أصولها

    ولاتدري مايصح الاالصحيـح=خاطب العالم على قد عقولهـا [/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    مرحوم ياحب ترعرع بالأعمـاق=متغـذي دم العـروق الصخافـي

    في كل عضو لـه مقـر وميثـاق=بين الضلوع العوج بيـن وخافـي

    يروق مع روقه مزاجي اليـا راق=ويحس بي اليا لحقنـي أخلافـي

    ويحس بأشواقي اليا صرت مشتاق=قدام يصبـح فالامـور اختلافـي

    واليا هنا علقتهـا فـوق معـلاق=وسليت سكيـن الخيانـه ياكافـي

    ودعتك النسناس ياورد الأشـواق=كرامتي تحكـم علـي بأنصرافـي

    قطفت منك مـا تهيـا ومـا لاق=ورميت باقـي ذكرياتـك خلافـي

    لا دمعة طاحت ولا خاطـر ضـاق=ماقول غير اللي على البال كافـي

    يكفي ثلاث سنسن مرت على ساق=عين فراش لـك وعيـن لحافـي

    واليوم في تسعه وتسعين طقـاق=قلبي كذا طبعه اليا عـاف عافـي [/poem]


    ،، يــــتــــبــــــع ،،




    [poem=font="Simplified Arabic,4,blue,bold,normal" bkcolor="transparent" bkimage="" border="double,4,blue" type=2 line=0 align=center use=ex num="0,black"]
    يا وجودي وجد من سج نوب و فاق نـوب=ويا وجودي و جد من طـاري الفرقـا بـراه
    و يا وجودي وجد من حس تآليـف القلـوب=و يا وجودي و جد من شاف شيء مـا بغـاه
    و يا وجودي كل ما شفت برق فـي نصـوب=و يا و جودي كل ما شفت غيـم فـي سمـاه
    كلها مـن شـآن حـب الجنوبـي للجنـوب=و كلهـا مـن شـآن حـبٍ رفيـع مستـواه
    و كلها من شآن صبري علـى حـر اللهوب=و كلهـا مـن شــآن يالله يالله بالنـجـاه
    [/poem]
    للشاعر/ مناحي ابو شعرتين

  2. #2
    فراج بن عون غير متواجد حالياً مشرف سابق الصورة الرمزية فراج بن عون
    تاريخ التسجيل
    الدولة
    ~¤§¦ رحآل ¦§¤~
    المشاركات
    1,094

    افتراضي رد : ديوان الشاعر/ سلطان بن وسام الهاجري

    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    صح السانك وللقصـد مقصـود=ماهوب ديكورن من الروح خالي

    سحابتن في اطرافها برق ورعود=ترعد جنوب وبرقها ف الشمالي

    يهيم معها هاجس الشعر ويعـود=لأعظم ينابيـع الوفـا والكمالـي

    مولد قيم وامجاد وسهود ومهود=ومهبط رسالة عظكته والجلالـي

    ونجد بصحاريها بساتين و ورود=على المواطن والرفيق الموالـي

    لبى خزامي نجد عنقود عنقـود=ولبى صحاريها العراض الطوالي

    احضانها دايم حجا كل مضهـود=لا اشتدت العزمات يـا هملالـي

    كل ذي نعمه بلا شـك محسـود=الاعدقاء محور نقاش وجدالـي

    يعني ليالي نجد ماتعتبـر سـود=يوضي سماها نور حق وعدالـي [/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    في عنفـوان البلبلـه والأقاويـل=وزخم من الإعلام فـي زعيتمانـه

    هذي قناه الشجب والحط والشيـل=وهـذي قنـاة الملعنـه والخيانـه

    وهذي قناة الرقص ياعيـن ياليـل=وعبـدالله ابالخيـر والبردقـانـه

    والقدس تقصفها مدافـع إسرائيـل=والغرب يعزف عزف كيد ولعانـه

    والشي والله في الليـال المقابيـل=أصبر علي شـوي وأقـول عانـه

    عان الليال الحيل لقحن وهن حيـل=ولقاحهن غزو الأصـل والديانـه

    غزو يسمـى ديمقراطـي وتبديـل=وطمس العوايد والشيـم والأمانـه

    وش قلت ياسداح في كذبة إبريـل=هي في صميم الـذات والا وزانـه

    والهيل ياسـداح عطـر الفناجيـل=والجـد ملـح العجرفـه والميانـه

    والخيل وين سروجها ياهل الخيـل=راحت فرس عنتر تسابق حصانـه

    والمعركه بين النسـاء والرياجيـل=مـدري يفـوز فـلان والا فلانـه

    وأن قام حظ أم الرموش المظاليـل=وقامـت تثنـى كنهـا الخيزرانـه

    ماعاد ياسـداح حيلـه ولا حيـل=أطلق شنـب قلـه يجـود مكانـه

    والقبـه اللـي للنشامـا مداهيـل=ميدان سيف الله وعنتـر زمانـه

    الله ثعا فيهم علـى مثـل ماقيـل=بعنصـر نسائـي قـوي كيـانـه

    خطوات عوبا صوتها يصهل صهيل=تشرشح النايـب وتكـرب بطانـه [/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    والله ما يفتح مغاليق الضمايـر=كود تل الجيب والموقـع محـدد

    لا كفخ بين الحتيفـه والزبايـر=كفخ شيهان على الصيد يتهـدد

    والحصى مثل الفشق بين التواير=وعجها مثـل الغثيـر الياتبـدد

    نحره معطي على الضيف البشاير=عن مواجيب النشامى ما تصـدد

    ذاك أبو سلطان حمال الخسايـر=صامل الفزعـات روقـي مـردد

    يوم كلمته ، وجور الحمل جايـر=قال أنا ابن روق قول ولا تـردد

    قلت كفووو وهلت العين العبايـر=لعن ابو قلب بحبـك مـا تجـدد

    جعلها يمنا ما تلمسهـا الجبايـر=اليمين اللـي تطـش ولا تعـدد

    جعل يفدونـه مجمعـة التجايـر=شلـة عنوانهـا قيـد وســدد

    عكس أبو سلطان حمال الخساير=صامل الفزعـات روقـي مـردد [/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يالحـون العـود والا يامجاريـر الربابـه=إختلف معنى القصيد وضيـع الفنـان فنـه

    حلم مدري علم مدري نوض برق في سحابه=أثرها طلة جبينـه يـوم زاح الليـل منـه

    أقبلت مثل الفرس لا سمعت طبول الحرابـه=مقتفيهـا ليـل أسـود والنجـوم يفرقنـه

    النهار يمـر ويعـدي وليلـه فـي عقابـه=النحـر صبـح تجلـى والجدايـل كنهنـه

    مخمل يلتف فـوق الجيـد الأتلـع بالنيابـه=عن سلاسيل الذهب والماس خوف يجرحنه

    غاب عني والوله خلاه عندي فـي غيابـه=مادرى ان فرقاه نار ولا درى ان لاماه جنه

    ياوجودي وجد من صفق على ماضي شبابه=بان شيبه والسنين اللـي يبيهـن خالفنـه

    غرته خضر السنين وراح عمره مادرى به=غررنـه وارفعنـه ليـن سـج وحولـنـه

    وياوجودي وجد عود لا عيـال ولا قرابـه=ماجـداه إلا يـون ويـردف الونـه بونـه

    مالقى فزعة رفيـق ولا دعـاة مستجابـه=كل ماامسالـه بظـن خيبـت الايـام ظنـه

    هذا وجدي في غياب اللي نزح والله جابـه=صح فرض الله فرض وسنة المرسول سنه

    الغلا جسم رقيق ومرهف احساسـي ثيابـه=مثل غصن الورد يـوم الهبايـب يطرقنـه

    مازرعت إلا غـلاه ولا نقلـت إلا صوابـه=والحشا ماضاق من خضر الطعون المستكنه

    ياحبيبي مازها كف الخضـاب إلا خضابـه=فيه نظم المفـردات وفيـه للعشـاق عنـه

    الظبي ماله شبيـه وبينـك وبينـه تشابـه=إلتفت بشويش وألقى فيه منك وفيـك منـه

    خالقك من فضل محمد على كـل الصحابـه=وسخرك مثل المهار اللي تسخرها الأعنـه

    والثنا والشكر للي رحمتـه تسبـق عذابـه=لا لخلـق الله شكـر ولا لخلـق الله منـه

    قاله اللـي ماخـذا ممـا يريـد إلا هبابـه=خيرة الفارس ثنية خيـل صفـرا مستعنـه [/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    واهني الصخره اللي مايحرقها سمـوم=الزمان اللـي يهـد العـزم مـا هدهـا

    الزمان اللـي تحـدا قوييـن العـزوم=لين مشاهـا علـى ود ماهـو ودهـا

    والمجامل بعض الأحيان ما يقضي لزوم=لابو النفـس الضعيفـه ولابـو جدهـا

    مير تجبرنا العوايد وتجبرنـا السلـوم=نكتم الأسـرار ياليـن تاصـل حدهـا

    الردي لا طاح جعله يطيـح ولا يقـوم=باح سده والنشامـا مـا بـاح سدهـا

    كل ماكبرت وضاقت على عيال الرخوم=نحتزم لأكبـر مصيبـه وناطـا خدهـا

    جعل قسمي عند ربي من خيار القسوم=واحـد يعطـي العطايـا ولا يرتـدهـا

    ياعيال آدم وحـوا تراهـا مـا تـدوم=دورة الأيــام لابـدهــا لابـدهــا

    ياوليد البـط وشلـون ماتقـدر تعـوم=وانت ابوك يعوم جزر البحور ومدهـا

    وانت ياحلم حلمته مهو مثـل الحلـوم=ياضحية مزح الأحـلام مـدري جدهـا

    ادري ان فالناس معطى وفالناس محروم=ايـه يابيـض النوايـا ويامسـودهـا

    وياضميري لا يهمك من الدنيـا همـوم=الصعيبـه حلهـا والبسيطـه عـدهـا

    جات في سد الشوارب وفي سد الخشوم=كبر الضيفه وعش الضيـوف وغدهـا

    والمراجل ماتوفـى بضافيـة الهـدوم=كود بسيوف يشـوق النواظـر حدهـا

    والردي لو درس المرجله في كل يـوم=المراجل عنـد اهلهـا يذعـذع ندهـا

    يعتبر قسمه مثل قسم زاهيـة الرقـوم=يوم تكحل رمشهـا والقـرون تكدهـا

    ماكسبت الا رضا اهل النمايم والعلـوم=يارسول الحكي هـات العلـوم وودهـا

    الصفوف اثنين هذا دفـاع وذا هجـوم=وانت اظنك لانت معها ولا انت بضدها

    شرهة الطيب تعـداك للغـوج العـزوم=وانت صلفات المشاريه ماانـت بقدهـا

    وانت في سود الأظله تريـح ومخـدوم=وان ذبحك الجوع كد التكاسـي كدهـا[/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    يا مجهز الفكسار بسيوف ورماح=ومفرقات الجمع حيـن التحامـه

    من ثقل مافوقه مطبـه تمرجـاح=مجهزه راعيـه والـدرب أمامـه

    يهوي كما حر دعي لـه بملـواح=فوقه عطـاوي خوالـه عمامـه

    من وادي الشبرم الى مفرق رماح=يحدد السرعـه ويربـط حزامـه

    وساعة تعدى سعد يالاح يومـاح=عوذ من الشيطان وارخى خطامه

    ولحظة وصوله والشفق مابعد باح=رحبت به قـدام يبـدي سلامـه

    على أشقر الفنجال والعود فـواح=وفقـار شتـوي سنامـه يدامـه

    واخذت منه روس الأقلام بألحاح=وازرا المفسر لا يفسـر حلامـه

    ورحت أتصفح كل بيت تصفـاح=وافك حرف وحرف أزود لحامـه

    يا ناصر الروقي ترى الزند قداح=والسلم الأول عـزه الله وادامـه

    ماكل راعي ذود للـذود مصـلاح=بعض الرعاه مرافقتـه الغشامـه

    اللهم انه بس ضـاوي وسـراح=عنده مساس الأرض كنه وخامـه

    الموت لا طيح من الـذود طيـاح=واقفى عليها الليل يابـو دلامـه

    وجاتك بعد مده معاشيـر ولقـاح=وولادهن عيـد الضحيـه تمامـه

    والغيث لاتكره مطيحه اليا طـاح=ربع بصفـاره وعطنـي خزامـه

    وان مرتك هجن المهابيل طفـاح=اهبال طيب ولا صحـاوة رخامـه

    هذا شطر بيت كما النجم وضـاح=وعز الله ان راعيه على كلامـه

    اللي مسح روس التماسيح تمساح=واليا انتقم كـل يعـرف انتقامـه

    والأولـه والثانيـه سـم اذحـاح=يبحر بها الصايم وتجرح صيامـه

    راحت سوالف كحيـح ونتحنـاح=كل شكت سبابتـه مـن ابهامـه

    واليا حصد زرع الفلاليـح فـلاح=العز يبقـى مـن يجـود زمامـه

    ولا يربح المليون يا جورج قرداح=يكود من راسـه قويـه عظامـه

    ما يسترد الحق بصيـاح وانيـاح=وبشت حساوي وسـاع كمامـه

    الا بيوم فيـه للجمـع ضحضـاح=يشيب منه اللـي بحـزة فطامـه

    واسلم ودم ماناض برقا ومـالاح=واقبل تحية صاحبـك واحترامـه [/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    الله ولابعـض السوالـف والعلـوم=تحمـل الرجـال مــالا يـقـدره

    مامن وراها الا المشاكل والهمـوم=ياعنـك مافيهـا مـن الله خيـره

    عسى غضب خطلان الايدي مايدوم=وعسـى عمـار الطيبيـن معمـره

    ياسيـدي سلطـان قومنـي وقـوم=وارجو من الله ثم منـك المعـذره

    وانا عن الزلات مانـي بمعصـوم=والعفو ياكحيـلان عنـد المقـدره

    انا حفيـد اللـي يسـدون اللـزوم=يوم انها كانـت عبـوس وغبـره

    والبيرق الخفاق مـن دون النجـوم=وحدب السيوف مـورده ومصـدره

    بقيادة اللي وحـد الدولـة عمـوم=شق الطريـق وحـد الله ونصـره

    عبدالعزيز اللـي لياشـن الهجـوم=من صف عدوانه تضيـق المقبـره

    الياصفق له خشم من بين الخشـوم=من قوة الصفقه يطيحـن عشـره

    واصل على خوض المعارك بالعزوم=وتقطعت عوص النجايب فـي ثـره

    لين العلم رفرف على روس الرجوم=في ظـل حـدب بالدمـى معطـره

    وحنا ما غيرنا العوايـد والسلـوم=اللي خلـق فينـا الـولاء ماغيـره

    معنا الولاء يزداد يـوم بعـد يـوم=في صدورنا حتى ولـو مانشهـره

    وحكي الرخوم اللي تروجه الرخـوم=والله ماغير فـي محبتنـا شعـره

    ياسيدي وان راحت الاصحاب قـوم=أحـد يسنـد علـم واحـد حـدره

    انا دخيل حماك يـا الأب الرحـوم=لاتستمع فينـا ولـد رجـل ومـره

    يامفرج الكربـات فـلاج الخصـوم=ملاذ من ضامـه زمانـه وعسـره

    انت الذي عن زلة الجاهـل تشـوم=واليا كسرت العظـم ماحـد جبـره

    محاسنك غيم ماهـو مثـل الغيـوم=اليا أصطفق برقه يسابقـه مطـره

    غيث قدومه حي والله هـا القـدوم=يروي الفياض الجـرد لله وومـره

    وياسيدي ماحد من الطيب محـروم=قولة نعـم عنـد الرجـال مـدوره

    مير انت مثل طويق من بين الحزوم=كل تـذرا فـي حيـوده وشجـره

    تبي الحقيقه ياعسى عمرك يـدوم=شعر مايكتـب فيـك مافيـه ثمـره [/poem]



    [poem=font="Mudir MT,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    كلن كتب في حادثة يوم الأثنيـن=لعلهـا غفـران ذنـب و مبـره

    والشعر ما يوفي حقوق السلاطين=فكرت فيها ألفين مـره و مـره

    الشعر وين و منجزات الفهد وين=محدن قدر يحصي نجوم المجـره

    يا عل عين ما بكت يوم الاثنيـن=و لا ذاقت إمن الحزن مثقال ذره

    يالله عساها ما يجيها عمى العين=تشوف لكن ما تشوف المسـره[/poem]


    ،، يــتــبـــع ،،




    [poem=font="Simplified Arabic,4,blue,bold,normal" bkcolor="transparent" bkimage="" border="double,4,blue" type=2 line=0 align=center use=ex num="0,black"]
    يا وجودي وجد من سج نوب و فاق نـوب=ويا وجودي و جد من طـاري الفرقـا بـراه
    و يا وجودي وجد من حس تآليـف القلـوب=و يا وجودي و جد من شاف شيء مـا بغـاه
    و يا وجودي كل ما شفت برق فـي نصـوب=و يا و جودي كل ما شفت غيـم فـي سمـاه
    كلها مـن شـآن حـب الجنوبـي للجنـوب=و كلهـا مـن شـآن حـبٍ رفيـع مستـواه
    و كلها من شآن صبري علـى حـر اللهوب=و كلهـا مـن شــآن يالله يالله بالنـجـاه
    [/poem]
    للشاعر/ مناحي ابو شعرتين

  3. #3
    الساهرة غير متواجد حالياً عضو شرف
    تاريخ التسجيل
    الدولة
    قطـــــــر
    المشاركات
    11,158

    افتراضي رد : ديوان الشاعر/ سلطان بن وسام الهاجري

    الـتـجـارب عطـتـنـا مــيــزه الاحـتـمـالـي
    ودرسـتـنــا مـشــاويــر الـحــيــاه الـبـعـيــده
    ان مــابــه حــيـــاه الا وراهـــــا زوالـــــي
    والـبـنــادم بهـالـدنـيـا شـبــوحــه بـعــيــده
    مـيـر ماهـيـب لامـكـسـب ولاراس مـالــي
    كود من حـط قولـه والنعـم فـي رصيـده




    صح الله لسانه على هالقصايد وعلى هالابيات اللي نسختها في ردي
    وتسلم ايدك اخوي فراج وبنتظار التكمله سلطان بن وسام شاعر من الوزن الثقيل
    وكل قصايده جميله







    الساهره

  4. #4
    احمد المعاضيدي غير متواجد حالياً عضو برونزي الصورة الرمزية احمد المعاضيدي
    تاريخ التسجيل
    المشاركات
    139

    افتراضي رد : ديوان الشاعر/ سلطان بن وسام الهاجري

    الاستاذ ........ فراج بن عون

    تحية عطرة

    صح لسان الشاعر الكبير سلطان الهاجري

    وسلمت يمينك على النقل الاكثر من رائع

    تقبل مني جل احترامي وتقديري لسموك

    دمت اخا غاليا

    اخوك
    احمد المعاضيدي

  5. #5
    محمدالبراق غير متواجد حالياً شــــــاعــــــر الصورة الرمزية محمدالبراق
    تاريخ التسجيل
    المشاركات
    2,007

    افتراضي رد : ديوان الشاعر/ سلطان بن وسام الهاجري

    تسلم يمينك يافراج بن عون ومجهود تشكر عليه

    وسلطان الهاجري غني عن التعريف وله وزنه في الساحه الشعريه

    وانا من اشد المعجبين به الله يطول عمره

    بنتظار اكتمال الديوان الشعري وتقبل مروري

    تقديري التام

    اخــــوك


  6. #6
    مطلق العيد غير متواجد حالياً شــــــاعــــــر الصورة الرمزية مطلق العيد
    تاريخ التسجيل
    الدولة
    السعوديه
    المشاركات
    821

    افتراضي رد : ديوان الشاعر/ سلطان بن وسام الهاجري

    شاعر جميل................الله يسلمك على النقل

    تحياتي
    [poem=font="Simplified Arabic,5,darkred,normal,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    ياصاحبي مال النداوي ولد عم=ولا الغراب يضيع بعيال عمه
    دوم الردي تلقاه من طم في طم=لادب صدره صاح صدره يذمه
    ولاضاق صدر الحر خم الفضا خم=يرقا عن الضيقات في راس قمه[/poem]

  7. #7
    ابن عجمي غير متواجد حالياً عضو فضي الصورة الرمزية ابن عجمي
    تاريخ التسجيل
    الدولة
    الوجه
    المشاركات
    595

    افتراضي رد : ديوان الشاعر/ سلطان بن وسام الهاجري

    مشكور وماقصرت ويعطيك الله العافيه
    اتمنى ان تاتي بصوتيات ابو وسام
    تقبل مروري


  8. #8
    رفيعه الشان غير متواجد حالياً عضو برونزي
    تاريخ التسجيل
    المشاركات
    235

    افتراضي رد : ديوان الشاعر/ سلطان بن وسام الهاجري

    صح لسان شاعرها

    وتسلم يمناك ع الديوان اخوى




  9. #9
    البدو غير متواجد حالياً .:: مؤسس الموقع ::. الصورة الرمزية البدو
    تاريخ التسجيل
    المشاركات
    12,960

    افتراضي رد : ديوان الشاعر/ سلطان بن وسام الهاجري

    بيض الله وجهك ياراعي الرايه

    ماتجيب الا السمين



  10. #10
    ابو عساف غير متواجد حالياً عضو مشارك
    تاريخ التسجيل
    المشاركات
    12

    افتراضي رد: ديوان الشاعر/ سلطان بن وسام الهاجري

    مشكور وماقصرت ويعطيك الله العافيه
    وسلطان الهاجري شاعر كبير وغني عن التعريف
    ابو وسام الله يطول عمره

المواضيع المتشابهه

  1. ضيدان بن قضعان + سلطان الهاجري
    بواسطة مسفر بن درّام في المنتدى نجوم من الساحة الأدبية
    مشاركات: 3
    آخر مشاركة: 2010-09-09, 02:48
  2. الشاعر سعد علوش الهاجري
    بواسطة منصور الخالدي في المنتدى نجوم من الساحة الأدبية
    مشاركات: 4
    آخر مشاركة: 2010-07-09, 19:20
  3. من روائـع سلطان الهاجري
    بواسطة فراج بن عون في المنتدى نجوم من الساحة الأدبية
    مشاركات: 6
    آخر مشاركة: 2008-10-11, 14:20
  4. سلطان الهاجري وبرنامج شاعر المليون
    بواسطة فراج بن عون في المنتدى نجوم من الساحة الأدبية
    مشاركات: 12
    آخر مشاركة: 2007-04-05, 13:56

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •